因為轉左新　ｂｌｏｇ，點解呢？？

因為另一邊好多ｈｕｓｋｙ友，大家方便聯絡！！

有意再看者，請往

http://hk.myblog.yahoo.com/shadow800823

(閱讀全文)

可能依他估計我這火爆的人, 如果狗狗做錯我又會忍不住打狗, 他在第一次電話中, 已叫我緊記, 上堂前呢兩星期, 絕對不可以再打狗, 佢話如果我再打, 隻狗一定會咬我一鑊甘, 到時無可挽回.

今天他教我不要睬迪豬, 入屋自己食飯, 自己做家務, 唔好理佢, 唔好同佢講野

佢塞波波比我要我同佢玩, 唔好睬佢, 因為我係主人, 所有野係我做主導

我自己想同佢玩, 就叫佢行埋來同我玩, 佢聊我 no way.

想摸佢, 就叫佢, 要佢行到埋來我先摸, 我唔需要自己行近摸佢

我自己想比小食佢, 佢就有得食, 佢要求想食, 唔比!!

如果好似食曲奇餅咁, 唔可以我食一塊, 佢食一塊, 要我食晒, 抹左咀, 飲完水, 佢先有得食

樣樣野都係我先, 佢後. 要敵過佢扮可愛要求食物的眼神..

同埋做咩動物都無不勞而獲, 要出完街, 先有飯食, 唔好散步前比佢, 散步後 30 分鐘左右先懶懶閒比佢, 放低十分鐘, 食就食, 唔食收埋晒佢, 一條小食都無, 特別係骨頭, 一定無.

呢兩星期唔好同佢講野, 唔好嘻嘻哈哈讚佢, 步照散, 飯照食. 出門口我出先, 入門口我入先, 佢跟尾  

如果佢真係有錯, 買一支水槍, 乜都唔駛講, 唔駛 no 唔駛喝, 一水射埋佢面. 唔好打, 唔好喝, 冷靜去做, 二話不說一水射落佢個面.

我會嘗試努力做, 去學

可能十分鐘佢真係會唔食, 又會瘦番, 不過

我要一隻靚狗, 定係想要隻乖狗, 又大隻又有肌肉又點丫? 咬主人既, 死得啦咁...

其實今日好感動, 無諗過個 Trainer 會打比我, 口頭教我呢 d 野, 呢 d 野好似好簡單, 其實我一直做錯晒, 個 Trainer 未收學費架, 都講左咁多比我知, 真感動

放工回來, 兩隻流浪貓起門口叫我, 我一入屋就拎貓糧出走廊餵左佢地先, 返到入屋, 自己執野, 又係無望佢

佢好似自己知咩事, 知自己唔著, sit 起度, 眼望望

到9點要出街喇, 佢自己都無行出來, 可能以為我打開門就係唔要佢

結果自己行出門口, 佢又跟住出. 返到屋企, 好定咁 sit 起度, 我就自己睇電視唔出聲, 佢以為無得開飯, 自己走埋一邊, 結果10點半開飯比佢

食完, 係咁塞 d 波波埋來要我同佢玩, 無同佢玩, 佢就聊輝輝, 搞到輝輝發晒火佢就起度笑.

我終於忍唔住喊住問佢:{ 係唔係我咁錫你, 你要咬死我? 你知唔知自己幾傷主人心? }

佢就 sit 起我隔離望住我, 條尾一直擺...

我諗過如果自己學唔掂, 就拎去張松照度寄宿再 train, 一定要搞好佢為止. 如果咁樣 6000 蚊, 今日打去問左..

要放棄好易, 我住地下o者, 打開門出盡力一腳伸佢出去好易, 不過我唔會

今日好多人安慰我, 叫我慢慢教, 其實佢一隻畜生識乜呢? 佢性格差未又係我做成, 行為差又係我縱出來, 根本一句到尾係我做主人有問題啦, 養貓由貓 fee 我, 養狗由狗 woo 我. 宜家去學希望唔算太遲.

從來都無諗過, 原來一隻狗可以令我咁傷心

困一星期，無飯開，呢次認真，因為我隻手真係好痛

再係咁下去呢隻狗唔要得

食魚肉菜，呢世都無，狗糧，食就食，唔食去死

由佢咬我果一刻，我覺得呢隻狗啪左佢都唔可惜！而且應該啪，如果唔係我，佢有今日咩？一直以來咁錫佢係多餘既，無性既．

好有陰影，唔想再見到佢

～～～～～～～～～～～～～～～～續～～～～～～～～～

冷靜過後，打比ＴＲＡＩＮＥＲ約２月２日上堂

其實２０００蚊左右我比得起，但是之前一直逃避問題，一直的拖下去，以為，

我咁錫佢佢一定知，狗有性架，點會想我死？

原來錯左，我２月頭仲要接細佬回來架，如果迪豬真係再咁下去

容咩易咬死細佬？咬死貓？再咬到我要入醫院，之後比漁農處捉埋，咁點算？

就算當佢比面我，每次只及我一下，但係如果佢咬死家中其他同伴，我日後仲點面對佢？

加上佢出去玩已經開始聊交打，我又按佢唔住，下下靠人幫手，人地無義務幫我看狗的．再咁下去一定無晒朋友，傷到其他狗自己良心也過不去．

最終累死狗的人是我，呢二千蚊，唉，點都係要駛．

算呢，錢財身外物咋．希望今年多Ｄ利是啦，補番呀！哈哈

原來２月２日下午又約左去沖涼，約左１５：００沖涼，沖到１７：００，１８：００上堂，原來養狗是好忙的．

肥左, 大隻左, 宜家仍未達目標, 要繼續努力! 阿仔, 我都食緊 $17 蚊一個飯盒咋, 有時食叮叮野食咋, 你食多 d 喇唔該. 唔知點解條衰仔真係受軟唔受硬, 就算比肉佢都試過玩野唔食, 要我一粒一粒咁餵佢吃, 真係吹漲

第一星期: 白肉 ( 雞肉 )

第二星期: 紅肉 ( 鴨胸肉, 羊肉 )

第三星期: 魚肉 ( 三文魚, 龍利 ) 註: 三文魚揀骨真係揀餐死, 而且隻衰仔唔多 Like

第四星期: 紅肉 ( 牛肉 )

間中比少少豬扒肉... 當然每一餐都有六匙 Europa 喇.

(閱讀全文)

今日買左兩舊生既骨骨比我食, 夜晚, 主人想行埋我身邊,

我以為佢想拎番我條骨骨, 結果我發惡

主人打開門, 叫我走, 當然我又係唔走, 我知道主人發嬲

佢想幫我帶口罩, 但係佢唔夠力, 我一口想咬主人, 其實我知錯

不過主人唔打算原諒我, 佢打開個籠, 仲話困我三日三夜, 無飯開無街去

其實我得把狗口架咋, 我點捨得咬主人??

(閱讀全文)

20:00 晚餐時間

(閱讀全文)

今日放工去左買羊架, 牛骨扒, 鴨胸肉

其實我自己好鍾意食羊, 鵝, 鴨, 我自己鍾意食紅肉多過白肉

估唔到迪豬都係..............

食左 HomeDiet 兩星期, 大隻左, 肥左, 唔止我自己覺得, 連公園班街坊都覺得!

仲有 d 羊架起雪櫃, 自己都唔捨得食, 好想煮來食, 不過又要同迪豬分, 其實有 d 唔想同佢分呀!! 因為我實在太鍾意食羊!!

(閱讀全文)

(閱讀全文)

今日主人放工回來, 好開心咁話買左 d 新野, 趁天氣凍要煮來食暖下喎

佢仲笑笑口問我鍾唔鍾意食??

(閱讀全文)

好鍾意ｄｉｃｋｙ呢個樣，呢個表情，其實我日日都見到，因為放狗時佢成日抬高頭望我，簡直係錫死佢，雖然佢唔係最靚既，又成日唔乖，但係佢呢個表情，好天真無邪的．我成日寧願佢唔大，唔變成成犬，永遠都係ｂｂ狗，日日咁樣抬高頭望我．

總之是抱歉！

我諗會唔會今日太多狗公，得好少狗女，所以場面咁噪，因為過去出席橇橇天地的活動，都是女過仔少，果邊位位會員都養女多．

今天迪豬愛上一隻兩歲半的狗公ａｓａｋｉ，佢愛上狗公唔係問題，最慘係當一有狗埋ａｓａｋｉ身，佢就ｅ牙，就ｗｏｗ，就開口．唔止一次想咬阿北，咬卒卒，我自己見到佢咁惡我都驚，好失禮咁大叫，佢惡到我都唔敢去間，好在有幾位男仕幫手，否則真係不得了！

我宜家只希望ｓｐｃａ絕育果度可以快ｄ．

(閱讀全文)

http://www.honestkitchen.com.hk/embark.html

其實我覺得佢個作用同 Sojos Europa 一樣, 不過 Europa 售後服務好好多, 我唔明成日 Send Mail 去問第二日就有覆, 同埋 Yahoo Blog 愛犬廚房果邊都係, 好有心機教我整 HomeDiet, 我份人咁鬼懶估唔到養左狗之後咁勤力去煮野食, 又買又洗又煮, 其實自己無份食, 不過見到隻衰狗日日食得咁開心都抵番晒, 反正要佢食狗糧好似要佢去死咁, 反正已經夠衰架喇宜家, 不如試下無壞, 至少佢肯食日日有野到肚先丫.